Incapaz de visitar o pai, o narrador desta historia decide escribir sobre a súa familia sen contar con ese testemuño. O medo de estar xunto a el paralízao. E así, como unha infección que o invade todo, aflora a narración deste inferno. A súa nai, unha beleza de menos de vinte anos, deixouse seducir polo pai, un home dotado de gran encanto entre as amizades e moi xeneroso cos que o rodeaban no traballo, pero un egocéntrico maltratador na casa. Neste retrato falsamente doméstico perfílanse os inicios do turismo na Málaga dos anos setenta, cando o diñeiro europeo dos veraneantes trouxo unha insólita apertura en forma de diversión e esmorga, osíxeno para unha sociedade que nin en soños imaxinaría esas noite de orxías sen fin. Oeste descende ao abismo dos seus recordos e, nunha dolorosa investigación, confronta a súa memoria coa de familiares e coñecidos para elaborar este testemuño desgarrador que á vez é unha crónica do últimos corenta anos.