Nur é unha moza de 12 anos moi intelixente, filla de pais inmigrantes. Un dia, a súa titora convoca aos seus pais para darlles unha gran noticia: escollérona para cursar os seus estudos de secundaria no mellor instituto de Barcelona de maneira gratuíta, grazas a unha bolsa. Por unha banda, Nur está contenta, porque que lla outorgaran é unha gran recompensa a todo o seu esforzo, pero ao mesmo tempo non quere afastarse dos seus nin deixar soa a Amal, a súa prima e gran amiga, con quen foi toda a vida ao colexio. Cando chegue setembro descubrirá un mundo moi diferente ao seu, que a levará a ver claramente as desigualdades e o rexeitamento que se xeran ao redor do que para algúns é descoñecido: no instituto sentirase diferente por primeira vez, pero, lonxe de quedar de brazos cruzados, enfrontarase ao racismo á vez que tenta construír unha identidade propia, a cabalo entre dúas culturas e entre a infancia e a vida adulta.